Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է “Anima Syros” միջազգային անիմացիոն փառատոնի նախագահ Վասիլիս Կարամիցանիսի և համակարգող Դանաի Վարդալիի հետ։
Հանդիպմանը քննարկվել են վերոհիշյալ փառատոնին հայկական անիմացիոն ֆիլմերի մասնակցության, Հայաստանի հետ առավել սերտ համագործակցության հնարավորություններին վերաբերող հարցեր։ Միաժամանակ ուշադրության կենտրոնում են եղել հունական անիմացիոն ֆիլմերի՝ Հայաստանի “ReAnimania” միջազգային անիմացիոն փառատոնին մասնակցելու հնարավորությունները։
Դեսպան Մկրտչյանը ներկայացրել է մշակույթի բնագավառում երկկողմ համագործակցության ընդլայնման ուղղությամբ ձեռնարկված և ընթացքի մեջ գտնվող նախաձեռնությունները։
Հանդիպմանը ընդգծվել է, որ այս բնագավառում համագործակցության համար ամուր հիմք է ծառայում 2025 թ. ՀՀ ԿԳՄՍ նախարար Ժաննա Անդրեասյանի Աթենք կատարած այցի ընթացքում Հայաստանի կինոյի հիմնադրամի և Հունաստանի կինոկենտրոնի միջև ստորագրված համագործակցության հուշագիրը։
Կարդացեք նաև
Հունաստանում ՀՀ դեսպանություն
