«Էս մարդը հանձնվել է Ալիևին»․ Աղվան Վարդանյանը՝ Նիկոլ Փաշինյանի մասին
«Ասում էր՝ Սյունիքը ոչ միայն Հայաստանի, այլև Արցախի, Ղարաբաղի ողնաշարն է։ Հիմա Արցախ բառից խրտնում է։ Արցախը չկա, Ադրբեջանի դրոշը Կապանի վրա է, եթե ինքը մնաց, մի բացառեք, որ վաղը 1992 թիվն է կրկնվելու»,- Կապանում «Հայաստան» դաշինքի քարոզարշավի ամփոփիչ հանրահավաքի ժամանակ հայտարարեց դաշինքի պատգամավորի թեկնածու Աղվան Վարդանյանը։
Նա, անդրադառնալով ՔՊ-ական Նարեկ Բաբայանին, ասաց․ «Ասում էր՝ Նարեկ Բաբայանին ընտրեք քաղաքապետ, նա ոչ մի բիզնես, սեփականություն չունի, չի կարող պետական պաշտոնյան բիզնես, սեփականություն ունենալ։ Նա հիմա բիզնես ու սեփականություն ունի՞, թե՝ ոչ։ Այսօր մարդիկ է ընդունում տասնյակներով գործի Քաջարանի կոմբինատում, որ գնան, ընտրեն սրանց։ Հերթ է կանգնեցնում, ասում՝ դիմում գրեք, ընտրություններից հետո գործի կընդունեմ»։
Ըստ Աղվան Վարդանյանի՝ Նիկոլ Փաշինյանը մտածել է, որ իշխանություն պահելու միակ ձևը հանձնվելն է․ «Ինքը հանձնվել է Ալիևին, Թուրքիային և պատրաստ է կատարել նրանց բոլոր ցանկությունները»։
Կարդացեք նաև
Կապանում «Հայաստան» դաշինքի քարոզարշավն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
