Սամվել Կարապետյանի աջակցությունը ՀՀ զինված ուժերին էական և բազմազան է եղել, լրագրողների հետ զրույցում նշել է ՀՀ պաշտպանության նախկին նախարար Դավիթ Տոնոյանը:
«Եղել է մինչև 2018թ․, եղել է 2018թ․-ից մինչև ռազմական գործողություններ, և հուսով եմ՝ հիմա էլ կա։ Բազմակողմանի և էական է եղել, կարծում եմ՝ բոլորդ հասկանում եք` իր կարողությունների շրջանակում կարելի է գնահատել բավականին օգտակար»,–ասաց նա։ Թե ինչ աջակցության մասին է խոսքը, Տոնոյանը չցանկացավ մանրամասնել, քանի որ, դա բավականին զգայուն տեղեկատվություն է, որը կա՛մ պետական, կա՛մ ծառայողական գաղտնիք է պարունակում։
Դավիթ Տոնոյանը համաձայն չէ Փաշինյանի հայտարարությունների հետ, թե ունեցել ենք ավերված բանակ կամ «ավերակների վրա նոր բանակ է ստեղծվել». «Համաձայն չեմ այդ գնահատականի հետ, ես եմ ղեկավարել Զինված ուժերի այդ համակարգը, ո՞նց է ավերակների վրա եղել։ Բա այսօրվա զինծառայողները, որոնք գեներալական պաշտոններ են ստացել, կրթվել են և վերապատրաստվել են իմ պաշտոնավարման ժամանակ, այդ մարդկանց ո՞նց կարող եմ որպես ավերակ գնահատեմ: Բա այն երիտասարդները, որոնք որ իրենց կյանքը նվիրել են, այդքան քաջություն են ունեցել ու մահվան դեմ են կանգնե, ո՞նց կարող եմ իրենց ավերակի գնահատական տամ»։
Մանրամասն՝ տեսանյութում
