«Հունիսի 7-ից հետո կունենանք իշխանություն, որը կտարածի միայն սեր ու հարգանք, որը թույլ չի տա, որ որևէ մեկը հարվածի կնոջը, անշնորհքություն անի, անդաստիարակ պահվածք դրսևորի»։
«Ուժեղ Հայաստան» դաշինքն այսօր երթ անցկացրեց Մասիս քաղաքում այն բանից հետո, երբ Մասիսում հարձակում էր տեղի ունեցել «Ուժեղ Հայաստան»-ի աջակիցների վրա։
«Մենք եկել ենք՝ ցույց տալու, որ Հայաստանի Հանրապետության յուրաքանչյուր քաղաքացու կողքին ենք։ Ես որ ասում էի՝ իրենց ղեկավարի պահվածքը փոքրիկ խմբակի անդամներին հիմք է տալու, որ այդ դեպքերը շարունակվեն, փաստորեն ճիշտ էի ասում»,- ասաց «Ուժեղ Հայաստան»-ի խորհրդի անդամ Դավիթ Ղազինյանը։
Կարդացեք նաև
Երթից հետո Դավիթ Ղազինյանը դիմեց մասիսցիներին․ «Այս արատավոր երևույթները, որոնք այսօր կատարվում են, գալիս են այնտեղից, որ ձուկը գլխից է հոտում։ Դա գալիս է գլխից, Աստված առաջ, հունիսի 7-ից հետո կունենանք իշխանություն, որը կտարածի միայն սեր ու հարգանք, որը որևէ պարագայում թույլ չի տա, որ որևէ մեկը հարվածի կնոջը, անշնորհքություն անի, անդաստիարակ պահվածք դրսևորի։ Այդ պատճառով վաղը՝ 19։00-ին լինենք Հանրապետության հրապարակում, որպեսզի դնենք փոփոխության սկիզբը, իսկ հունիսի 7-ին բերենք փոփոխություն»։
Մանրամասները՝ տեսանյութում
https://www.youtube.com/live/r6B-_dZNYAI
Ռոզա ՀՈՎՀԱՆՆԻՍՅԱՆ
