«Այն քննարկումը, որ այսօր ունեցանք իմ գործընկերոջ՝ Հայաստանում Եվրամիության առաքելության ղեկավար Վասիլիս Մարագոսի նախաձեռնությամբ, շատ կարևոր է։ Մենք, ԵՄ-ն, ձեռք ձեռքի տված աշխատում ենք Հայաստանի Հանրապետության կառավարության հետ և Հայաստանում գործող ընկերությունների հետ միասին՝ օգնելու ձեզ հաղթահարել այն ճնշումը, որը տեսնում եք այսօր»,- լրագրողների հետ զրույցում նշեց Հայաստանում Ֆրանսիայի Հանրապետության դեսպան Օլիվիե Դըկոտինյին՝ անդրադառնալով ռուսական կողմի սահմանափակումներին։
«Մենք ունեցանք շատ պրակտիկ քննարկում այս հանդիպման շրջանակներում, որը ներառել է լոգիստիկ և այլ հարցեր՝ եվրոպական շուկաներից ապրանքներ ներմուծելու և հնարավորություն ստեղծելու, որպեսզի հայկական արտադրանքը հանդիպի եվրոպական արտադրողին և ապահովի եվրոպական շուկայի մուտքը՝ արտահանումների հետ կապված։
Հետագայում ավելի կարևոր հայտարարություններ կարվեն։ ԵՄ-ն չէ, եվրոպական բարեկամները չեն, որ ձեզ խնդրում են ընտրություն կատարել։ Մենք վստահելի գործընկեր ենք, մենք չենք սպառնում, ճնշում չենք գործադրում, մենք օգնում ենք և ուզում ենք վստահ լինել, որ հայկական ընթացիկ համագործակցությունն ամենամեծ եվրոպական ցանցի՝ Եվրոպական միության հետ շարունակվում է և ձեզ դարձնում է ապահով»,- ընդգծեց Հայաստանում Ֆրանսիայի դեսպանը։
Գոհար ՀԱԿՈԲՅԱՆ
Կարդացեք նաև
