Այսօր ճեպազրույցում լրագրողը հարց ուղղեց Նիկոլ Փաշինյանին՝ ինչո՞ւ ենք ձեւական պահում ԿԸՀ, եթե դեռ հաշվարկը չավարտված՝ Նիկոլ Փաշինյանն է որոշում ընտրության արդյունքները։
«Ամբողջ աշխարհում, ժողովրդավարական երկրներում հատկապես դա սովորական պրակտիկա է, որովհետեւ կան հարցումներ, կան ընթացիկ քվեարկության հաշվարկներ, կան տեսակարար կշիռներ եւ ի վերջո՝ կան բազմաթիվ ընտրական տեղամասեր, որտեղ արդյունքներն ամփոփված են։ Եվ կան բանաձեւեր, թե ինչքան կարող է իջնել ընտրական տոկոսը։ Մենք հլա իջնելու էլի տեղ ունենք, որպեսզի արձանագրենք, որ միանշանակ ընտրությունները հաղթել ենք։ Եվ ցանկացած ժողովրդավարական երկրում նմանատիպ հայտարարություններ դուք կլսեք եւ ոչ մի տեղ չեք լսի հարցեր, թե ինչի՞ համար է Կենտրոնական ընտրական հանձնաժողովը։ Կենտրոնական ընտրական հանձնաժողովը նրա համար է, որ արդյունքներով կամ հաստատի, կամ հերքի քաղաքական գործիչների արած հայտարարությունները»,- ասաց Նիկոլ Փաշինյանը։
Մանրամասները՝ տեսանյութում
Կարդացեք նաև
«Ընդդիմադիրների հետ կապված փետրվար ամսին նշել էիք, որ ընտրություններից հետո նրանց էջը փակված է լինելու, քրեաօլիգարխիկ գնահատականն էիք տալիս, որ նախկին նախագահները քաղաքականությամբ չեն զբաղվի. փաստորեն սա էլ չկարողացա՞ք անել»,- հարցրեց լրագրողը։ Նիկոլ Փաշինյանը պատասխանեց․ «Սասունցի Դավիթ էպոսը հիշո՞ւմ եք, որ ասում է՝ հլա մի հատ քեզ թափ տուր։ Որ մի հատ իրենց թափ տան, մեծ կտոր ականջն է մնալու եւ արդեն մնացել է»։
Հակադարձմանը, որ Սամվել Կարապետյանի ուժը երկրորդն է, Ռոբերտ Քոչարյանը խմբակցություն ունի, Գագիկ Ծառուկյանն էլ գուցե ունենա, Փաշինյանը պատասխանեց. «Ցանկացած հանգուցյալ ունի տապանաքար»:
Նիկոլ Փաշինյանը չպատասխանեց հարցին՝ արդյոք իշխանությունը դիտարկո՞ւմ է Սահմանադրության փոփոխությունը ստորագրահավաքով հանրաքվեի դնելու հարցը։
Մանրամասները՝ տեսանյութում
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
