Աժ-կառավարություն հարց ու պատասխանի ժամանակ Նիկոլ Փաշինյանն անդրադարձավ ընդդիմադիրների պնդումներին, որ ընտրությունները կեղծվել են։
«Ընտրությունները կեղծվել են, եւ Հանրապետության հրապարակը դատա՞րկ է, այդ ո՞ւմ ձայնն է կեղծվել։ Ես խոսում եմ լիդերների մասին, ձեր հետեւորդների ձայնը կեղծվել է, դուք տանը վեր ընկա՞ծ եք, քյաբա՞բ եք ուտում։ Ձայները կեղծված են, հաջորդ օրը օդանավակայանում եք հայտնվո՞ւմ։ Մենք ընդդիմադիր չե՞նք եղել, ձայները որ կեղծված են եղել, մենք հաջորդ օրը «չամադաններս» հավաքած օդանավակայանում ենք եղե՞լ։ Ո՞ւմ ձայնն է կեղծված, դուրս եկեք հրապարակներ։ Դուրս չեք գա, որովհետեւ գիտեք, որ այդ դեպքում հրապարակներ դուրս կգան նրանք, ում ձայնը դուք կեղծել եք ընտրակաշառքներով։ Այդ ժամանակ կտենաք, թե ինչ է նշանակում իսկական հեղափոխություն։ Այ այդտեղ ամեն ինչ կավարտվի, չնայած՝ ամեն ինչ ավարտվել է։ Եկեք այստեղ, ինչո՞ւ են ձեր նստատեղերը դատարկ, ինչո՞ւ են ձեր դրած դրոշներն անտեր»,- ասաց նա։
Մանրամասները՝ տեսանյութում
Կարդացեք նաև
Փաշինյանը նաեւ հայտարարեց, որ իրենք ընտրություն չեն կեղծել․ «Որեւէ մեկի լեզուն պետք է պտտվի ու ասի, որ ՔՊ-ն ընտրությունների արդյունք է կեղծե՞լ, ղալաթ եք արել»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
