ԱԺ նախկին պատգամավոր Ռուբեն Հակոբյանին այսօր առավոտյան ձերբակալել են քրեական նոր գործի շրջանակներում: Նրա որդին՝ «Հայաստան» դաշինքի պատգամավորի թեկնածու Սամվել Հակոբյանը մեզ հետ զրույցում ասաց, որ առայժմ չգիտեն՝ ինչ մեղադրանքի շրջանակներում է ձերբակալվել:
«Առավոտյան օրը սկսել է, ոստիկանները եկել են, ասել են, որ տանում են քրեական վարչություն, ձերբակալել, տարել են: Ոնց հասկանում ենք՝ նոր գործ է, հին գործի հետ կապ չունի: Հին գործի պես կարած գործ է հարցազրույցից: Դետալները չգիտենք, կտանեն քննչական, փաստաբանը կծանոթանա գործի նյութերին: Հարցազրույցի մեջ հանցակազմ գտած, հորինված գործ է» ,- ասաց Սամվել Հակոբյանը:
Նրա խոսքով, իր հոր ձերբակալությունը տրամաբանական շարունակությունն է ընդդիմադիր գործիչների նկատմամբ տարվող ճնշումների. «Եթե մնում է իշխանության, ապա ռեպրեսիվ ապարատն ավելի է ուժեղացնում: Ուժայիններն էլ հասկանում են, որ ինքը վերարտադրվել է, խելոք իր ասածներն անում են»:
Կարդացեք նաև
Արփինե ՍԻՄՈՆՅԱՆ
