«Մենք միանում ենք միջնորդությանը և խնդրում ենք բավարարել այն»,-ՍԴ-ում 7 քաղաքական ուժերի դիմումի քննության ժամանակ հայտարարեց «Հայաստան» կուսակցությունների դաշինքի ներկայացուցիչ Արծվիկ Մինասյանը՝ անդրադառնալով Արամ Օրբելյանի միջնորդությանը։
Արդեն տեղեկացրել ենք, որ ՍԴ-ն այն մերժեց։
Արծվիկ Մինասյանը նաև մանրամասնեց, թե ինչու են կողմ, որ ՍԴ-ն կուսակցությունների դիմումները քննի ամբողջական կազմով․ «Հաշվի առնելով նաև այն հանգամանքը, որ թե Սահմանադրության 170-րդ հոդվածով նախատեսված՝ որոշումների ընդունման մեխանիզմը պայմանավորված է ՍԴ դատավորների ընդհանուր թվով և նաև սահմանադրական օրենքով պարտավորությունն առ այն, որ դատավորը չի կարող չեզոք մնալ։ Իմ խորը մտահոգությունն եմ ուզում հայտնել այն մասին, որ արձանագրությունում անդրադարձ է կատարվել տիկին Սաֆարյանի մասնակցության անհնարինության հարցին, չհայտնաբերեցի այն փաստարկը, որ ես ներկայացրի։ Այսպիսի պարագայում, երբ ակնհայտ տեղեկատվությունն անտեսվում է, ՍԴ ողջ կազմն անհրաժեշտ է, որ նաև հանրային պատասխանատվության ինստիտուտը գործի ՍԴ-ի յուրաքանչյուր դատավորի համար, որը նաև տվել է օրենքով նախատեսված երդում»։
Կարդացեք նաև
ՍԴ նախագահ Արման Դիլանյանն արձագանքեց․ «ՍԴ դատավորների մոտ Ձեր հայտնած տեղեկությունը չհասավ մտահոգության այն աստիճանի, որ դատավորներից որևէ մեկը բարձրացնի Ձեր նշած դատավորի մասնակցության անհնարինության հարցը։ Իմացեք, որ ոչ մի տեղեկատվություն չի անտեսվում, պարզապես չհասունացավ մտահոգությունն այդ աստիճան»։
ՍԴ-ում ընդդիմության դիմումների քննությունն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
