«Մենք հետաքրքրված ենք երկխոսությամբ, հետաքրքրված ենք մեր հարաբերությունների շարունակմամբ։ Առաջիկայում շփումներ կլինեն»,- խորհրդարանում լրագրողների հետ զրույցում ասաց ՀՀ ԱԳ փոխնախարար Մնացական Սաֆարյանը՝ պատասխանելով ՀՀ-ՌԴ երկկողմ հարաբերությունների մասին հարցին։
ՌԴ պաշտոնյաների և ՀՀ պաշտոնյաների հանդիպումների մասին հարցին փոխարտգործնախարարը չտվեց հստակ պատասխաններ։ Ասաց՝ երբ նման հանդիպումներ լինեն, հանրությանն անպայման կտեղեկացնեն։ Հետո ավելացրեց՝ հանդիպումներ «անպայման կլինեն»։
Հիշեցնենք, օրերս Նիկոլ Փաշինյանը հայտարարել էր, որ ՌԴ նախագահ Վլադիմիր Պուտինի հետ նախատեսված հանդիպում չի եղել։ Նախընտրական քարոզարշավի ժամանակ Մարտունիում, հայտարարել էր, որ ՀՀ ԱԺ ընտրություններից հետո մեկնելու է Մոսկվա՝ հանդիպելու ՌԴ նախագահ Վլադիմիր Պուտինին։ Տեղեկացրել էր՝ հունիսի 1-ին ՌԴ նախագահի հետ հեռախոսազրույցի ժամանակ պայմանավորվել են, որ ընտրություններից հետո ինքը մեկնի Մոսկվա, և այդ հանդիպման ժամանակ կքննարկեն բոլոր ընթացիկ հարցերը ։
Կարդացեք նաև
Նելլի ԳՐԻԳՈՐՅԱՆ
