Լրագրող Լիա Սարգսյանը հայտնում է.
««Իշխանություն» լրատվականի տեղեկություններով՝ այսօր իրավապահները խուզարկություն են իրականացրել «Մարտական խաչ» 1-ին աստիճանի շքանշանակիր Էդիկ Մալոյանի բնակության վայրում, որից հետո վերջինս ձերբակալվել է։ Այս պահին պաշտոնական կառույցները դեռևս չեն հայտնել, թե ինչ քրեական վարույթի շրջանակում են իրականացվել քննչական գործողությունները և ինչ հիմքով է կատարվել ձերբակալությունը։
Մեր տեղեկություններով՝ Էդիկ Մալոյանը վերջին ընտրական գործընթացների ընթացքում աջակցել է Սամվել Կարապետյանին: Արդյո՞ք այս հանգամանքը որևէ առնչություն ունի իրականացված գործողությունների հետ, առայժմ հայտնի չէ։
Հիշեցնենք՝ Էդիկ Մալոյանը 2016 թվականի Ապրիլյան պատերազմի մասնակից է և պարգևատրվել է «Մարտական խաչ» 1-ին աստիճանի շքանշանով՝ մարտական գործողությունների ընթացքում ցուցաբերած խիզախության համար։
Կարդացեք նաև
Քննչական կոմիտեից «Իշխանություն» լրատվականին հաստատեցին գնդապետ Մալոյանի ձերբակալության մասին տեղեկությունը, բայց, թե ինչ վարույթի շրջանակում է՝ առայժմ չեն հայտնում»:
