«Թե ինչ խայտառակության կարող է ականատես լինենք վաղը, նույնիսկ չեմ կարողանում պատկերացնել, երբ պետք է դատարան ներկայացվեն Ամենայն հայոց կաթողիկոսը, մեր սրբազան հայրերը, վարչական դատարանի՝ իրենց չվերաբերող որոշումը իբր չկատարելու համար։ Այս ԱԺ-ում պատգամավորներ են և այլ պատգամավորներից բացատրություն, ներողություն խնդրելու վճռականությամբ են հանդես գալիս Արթուր Հովհաննիսյանը, Ռուստամ Բաքոյանը, որոնք ընդդիմության կողմից առաջադրված Մարդու իրավունքների պաշտպանի հասցեին հնչեցրել են վիրավորական արտահայտություններ։ Ոչ թե միայն ես եմ պահանջել, որ նրանք ներողություն խնդրեն, այլ դատարանի՝ օրինական ուժի մեջ մտած վճիռը։ Եվ նրանք այդ վճիռը չեն կատարել, ինչի համար քրեական վարույթ է նախաձեռնված։ Նրանք դատարան չեն ներկայացրել»,- «Ուժեղ Հայաստան» խմբակցության կողմից Արամ Վարդևանյանին ԱԺ նախագահի տեղակալի թեկնածու առաջադրելու հարցի քննարկման ժամանակ հայտարարեց «Ուժեղ Հայաստան» խմբակցության պատգամավոր Էդգար Ղազարյանը՝ նկատի ունենալով այն, որ ՔՊ խմբակցության պատգամավորներն իրենից պահանջում են ներողություն խնդրել իր՝ հայ սակրավորների հետ կապված 2 տարի առաջ հայտարարության համար։
Այնուհետև Արամ Վարդևանյանին խնդրեց ներկայացնել Կաթողիկոսի դեմ հարուցված գործի իրավական կողմը։ Արամ Վարդևանյանը պատասխանեց․ «Պետությունը չպետք է միջամտի եկեղեցու ներքին գործերին, քանի որ Հայ առաքելական սուրբ եկեղեցին ունի նաև սահմանադրական կարգավիճակ»։
Կարդացեք նաև
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
