ԱԺ-ն ընդունեց ՔՊ խմբակցության ներկայացրած նախագիծը, որով առաջարկվում է ստեղծել ԱԺ 12 մշտական հանձնաժողով։
Նախագիծը ներկայացրեց ՔՊ խմբակցության պատգամավոր Արուսյակ Ջուլհակյանը։ Ըստ այդ նախագծի՝ օրինակ՝ առաջարկվում է ստեղծել աշխատանքի և բարեկեցության հարցերի մշտական հանձնաժողով, պետական իրավական հարցերի հանձնաժողով և այլն։
Այս առիթով «Ուժեղ Հայաստան» խմբակցության պատգամավոր Էդգար Ղազարյանն ասաց․ «Առաջարկվում է ստեղծել 12 մշտական հանձնաժողով։ Դա ԱԺ կանոնակարգով նախատեսված առավելագույն թիվն է ԱԺ-ում մշտական հանձնաժողով ստեղծելու վերաբերյալ։ Ունեմ առաջարկություն, թե որոնք կարող էին լինել ընդամենը 6 հանձնաժողովները։ Նայել եմ նախորդ գումարման ԱԺ հանձնաժողովների գրեթե բոլոր արձանագրությունը, փաստել եմ, որ ամբողջ 5 տարվա ընթացքում կան հանձնաժողովներ, որ ունեն ընդամենը մեկ արձանագրություն։ Եթե ԱԺ-ն 12-ի փոխարեն ունենա 6 մշտական հանձնաժողով, 5 տարվա ընթացքում տնտեսում ենք 500 հազար դոլար»։
Կարդացեք նաև
Այսպիսով ՔՊ-ի ներկայացրած նախագիծը ԱԺ մեծամասնությունն ընդունեց։
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
