Ազգային ժողովի նիստում քննարկվում է Կառավարության կառուցվածքի եւ գործունեության մասին օրենքում փոփոխություններ կատարելու մասին նախագիծը։
Արդարադատության նախարար Սրբուհի Գալյանն ասաց, որ նախագծով առաջարկվում է երեք նախարարության անվանափոխություն եւ գործառույթների վերանայում, որի նպատակն է արդիականացնել պետական կառավարման համակարգը՝ այն համապատասխանեցնելով կառավարության կողմից իրականացվող պետական քաղաքականությանը։
«Նախագծով առաջարկվում է վերանվանել Բարձր տեխնոլոգիական արդյունաբերական նախարարությունը՝ այն դարձնելով Բարձր տեխնոլոգիական արդյունաբերության եւ արհեստական բանականության նախարարություն։ Նախագծով առաջարկվում է նաեւ Աշխատանքի եւ սոցիալական հարցերի նախարարությունը վերանվանել Աշխատանքի եւ բարեկեցության նախարարություն։ Նոր անվանումը շեշտադրում է պետության հիմնական նպատակը՝ ոչ միայն սոցիալական խնդիրներին արձագանքը, այլ նաեւ մարդկանց եւ ընտանիքների բարեկեցության բարելավումը»,- ասաց Սրբուհի Գալյանը։
Կարդացեք նաև
Կառավարությունն առաջարկում է Արտաքին գործերի նախարարությունը վերանվանել Արտաքին գործերի եւ միջազգային առեւտրի նախարարություն։
«Այս փոփոխության նպատակն է ավելի արդյունավետ համատեղել արտաքին քաղաքականությունն ու տնտեսական համագործակցությունը»,- նշեց նախարարը։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
