Ընտրապայքարը կշարունակվի, սակայն թեկնածուները կխորհրդակցեն Հայրիկյանի հետ:
Հանրային խորհրդի նախագահ Վազգեն Մանուկյանը Պարույր Հայրիկյանի հետ կատարվածի վերաբերյալ ունի հիմնական երկու վարկած. գնդակը ուղղված է եղել Պարույր Հայրիկյանի անձի կամ Հայրիկյան թեկնածուի դեմ: Մանուկյանի խոսքով 1-ին տարբերակը քիչ հավանական է:
Անկախության տարիներին Հայրիկյանի դեմ երեք մահափորձ է եղել, որոնք գրանցվել են ոստիկանությունում: Դրանցից միայն համեմատաբար բացահայտվել է Պառավաքարի դեպքը: Այս մասին Ազատություն ռադիոկայանի հետ զրույցում խոսել է ինքը` Հայրիկյանը, դեռ ամիսներ առաջ:
Ում էր ձեռնտու դեպքը և ով կարող էր լինել կազմակերպիչը: Այս հարցին Հանրային խորհրդի նախագահը մտքում ունի բազմաթիվ ենթադրություններ:
Կարդացեք նաև
Մանուկյանի խոսքով կատարվածը կարող էր ձեռնտու լինել շատերին, սակայն դա չի նշանակում, որ նրանք էլ կազմակերպել են:
Ըստ Վազգեն Մանուկյանի, այս ամենը կազդի Հայաստանի իմիջի վրա:
Խոսակցությունները, թե Հայրիկյանը փորձառու դիսիդենտ է ու մահափորձերի պատմությունները ինքն է սարքում` աղմուկ բարձրացնելու համար, Վազգեն Մանուկյանը ծիծաղելի է համարում: Նրա խոսքով յուրաքանչյուր չար դեպք պետք է օգտագործել ի բարին: Ըստ Հանրայինխորհրդի նախագահի, ընտրապայքարը կշարունակվի, սակայն թեկնածուները կխորհրդակցեն Հայրիկյանի հետ:
rmnewstv.am
