Նախագահի թեկնածուն պատմում է Գորիսում անծանոթ մարդկանց հարսանիքների ու հոգեհանգստի գնալու պատճառի մասին
«Ճի՞շտ է, որ Դուք Գորիսում անծանոթ մարդու հոգեհանգստի եք մասնակցել, աչքերը լցրած նստել եք, ցավակցել՝ քարոզարշավի շրջանակներում»,-այսօր Aravot.am-ի այս հարցին նախագահի թեկնածու Րաֆֆի Հովհաննիսյանը պատասխանեց. «Այո, ճիշտ է, որ գնացել եմ, բայց ճիշտ չէ, որ քարոզարշավի շրջանակներում եմ դա արել: Երբ որ մենք հանդիպում էինք մեր կամավորների հետ հունվարի կեսին, գնում էինք այնտեղ քաղաքներ եւ արձանագրեցինք իրավունքի խախտում, մեզ հետապնդում էին, անվտանգության ծառայությունները լուսանկարում էին մեր կամավորներին: Ես մտա թե՛ ուրախության տուն՝ հավաքույթի, թե՛ տխրության: Սա ի՛մ հայրենիքն է: Եվ ճիշտ է, որ մտել եմ թե՛ հարսանիք, կասեի՝ բազմաթիվ հարսանիքներ, եւ թե՛ մի թաղում՝ տխուր առիթ: Ես պարզապես ասել եմ, որ մենք ներկա ենք միասին, բայց ոչ քարոզչության շրջանակներում: Դա հունվարի կեսին էր՝ մինչեւ քարոզարշավը»:
Նշենք, որ Գորիսում անծանոթ մարդու հոգեհանգստի արարողությանը մասնակցելու Րաֆֆի Հովհաննիսյանի քայլի մասին լրագրողներին պատմել էր նախագահի թեկնածու Արամ Հարությունյանը:
Կարդացեք նաև
Հռիփսիմե ՋԵԲԵՋՅԱՆ
Ինչ վատ բան է արել, վշտի մեջ գտնվողին իր ցավակցությունն է հայտնել. Դա է գերադասելի, թե անտարբերությունը
Արամ,հիմա էլ անցել էս նորմալ,մարդկային քայլերը քննադատելուն??? Եթե կարծում էս,որ Ռաֆֆի Հովհաննիսյանին գոտկատեղից ներքև խփելով ,քո օգտին լրացուցիչ ձայներ կավելացնես,ապա շատ ես սխալվում:Ավելի շուտ հակառակ էֆեկտն է ստացվում:Նույնիսկ ձայների համար էլ , պայքարը պիտի լինի ՏՂԱՄԱՐԴԱՎԱՐԻ:
ի՞նչ է դուրս գալիս, մինչեվ այս քարոզարշավը Հովհաննիսյանը չէր իմանում հարյուրավոր ինքնասպանների մասին ,ծեծկռտուքներից մահացածների մասին ու նրանց տները,նո՞ր է սրտացավ դարձել, …ողբամ քեզ հայ ժողովուրդ, որ քելեխ ուտողդ Ռաֆֆին է….
Միշտ էլ հիացել եմ Րաֆֆի Հովհաննիսյանով:Տարիներ առաջ,թատրոնում,ներկայացումը չսկսած եկավ,բոլորին ջերմ բարևեց,նստեց:Կողքիս նստած կինը կարծեց,թե մենք բարեկամներ ենք,թեև առաջին անգամ էի տեսնում այդ հրաշալի,ազնիվ,բարեկիրթ մարդուն:Վերջերս,քարոզարշավի շրջանակներում,փողոցում հանդիպեցի այդ հրաշալի մարդուն: Չստացվեց բարևել,ուզում եմ ասել,որ շատ եմ ափսոսում: