Այս տարի մարտի 4-ին Կենտրոն եւ Նորք-Մարաշ համայնքների առաջին ատյանի դատարանը մերժել էր Հելսինկյան քաղաքացիական ասամբլեայի Վանաձորի գրասենյակի բողոքն՝ ընդդեմ ՀՔԾ-ի եւ դատախազության, որոնք հարկ չէին համարել գործ հարուցել ՀՀ սպորտի եւ երիտասարդության փոխնախարար Խաչիկ Ասրյանի դեմ, որը ԱԺ պատգամավոր Զարուհի Փոստանջյանի հասցեին սպառնալիքներ էր հնչեցրել:
Այսօր ՀՀ վերաքննիչ քրեական դատարանում լսվեց Հելսինկյան քաղաքացիական ասամբլեայի Վանաձորի գրասենյակի բողոքը: Դատական նիստը վարում էր դատավոր Կարինե Ղազարյանը: Պատասխանող կողմը՝ ՀՔԾ-ն եւ դատախազությունը, ներկա չէին:
Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը, ներկայացնելով իր բողոքը, որով նա առարկում է առաջին ատյանի դատարանի որոշման դեմ, միջնորդեց Վերաքննիչ քրեական դատարանին՝ ապահովել պատասխանող կողմի ներկայությունը:
Դատարանը բավարարեց միջնորդությունը եւ դատական նիստը ընդմիջեց՝ վարույթն իրականացնող մարմնի (ՀՔԾ-ի) եւ դատախազության ներկայությունն ապահովելու նպատակով: Հաջորդ նիստը նշանակվեց մայիսի 5-ին, ժամը 14-ին:
Կարդացեք նաև
Մելանյա ԲԱՐՍԵՂՅԱՆ
