Լրահոս
Օրվա լրահոսը

Նելլի Դուրյանը՝ Շահեն Հարությունյանի պատժի մասին. «Ուզում եք դատավորին և դատախազին գնահատական տա՞մ, չեմ անի»

Սեպտեմբեր 25,2014 15:33

«Համոզված եմ, որ քննությունը և դատավորն այդ ամենը հաշվի կառնեն»,- լրագրողների հարցին՝ արդյոք ճի՞շտ էր Շանթ Հարությունյանի անչափահաս որդուն 5 տարվա ազատազրկման դատապարտելը, այսպես պատասխանեց ոստիկանության քրեական հետախուզության գլխավոր վարչության 3-րդ վարչության պետ, ոստիկանության գնդապետ Նելլի Դուրյանը:

Հիշեցնենք, որ սեպտեմբերի 8-ին դատախազ Գեւորգյանի միջնորդեց «Ցեղակրոն» կուսակցության ղեկավար Շանթ Հարությունյանի 15-ամյա որդի Շահեն Հարությունյանին դատապարտել 5 տարվա ազատազրկման:

Տիկին Դուրյանը չցանկացավ մանրամասնել. «Ուզում եք՝ ես դատավորին և դատախազին տամ գնահատակա՞ն, իհարկե, նման բան չեմ անի»:

Այնուհետև հիշեցրեց. «Ոստիկանությունը հաշվառել էր այս անչափահասին,շատ լավ գիտեք պատճառը, գիտեք, թե ինչ էր եղել դասի ժամանակ, և, բնականաբար, պիտի հաշվառվեր: Սակայն հետագայում մեկ այլ արարք թույլ տվեց Շահեն Հարությունյանը, որ արդեն դատաքննությամբ ամեն ինչ իր տեղը կդնի և հուսով եմ՝ արդար դատ կլինի»:

Տաթև ՀԱՐՈՒԹՅՈՒՆՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2014
Երկ Երե Չոր Հնգ Ուրբ Շաբ Կիր
« Օգո   Հոկ »
1234567
891011121314
15161718192021
22232425262728
2930