Լրահոս
Օրվա լրահոսը

«Այ ողորմելիներ, եթե դուք ասում եք Սուրիկ Խաչատրյանը կատարել է սպանություն, մի հատ ապացույց բերեք» (Տեսանյութ)

Հոկտեմբեր 07,2014 15:18 Share
Աջակցեք aravot.am-ին

Արտակ Բուդաղյանի գործով տուժող Լորետա Բարսեղյանի ներկայացուցիչ Ռուբեն Սահակյանն այսօրվա դատական նիստից հետո պատասխանելով լրագրողների հարցերին` նշեց, որ իր կարծիքով` նախորդ դատական նիստին Հայկ Ալումյանի կողմից դատարանի դահլիճը լքելու քայլը կրքեր բորբոքելու նպատակ էր հետապնդում:

Նա նաեւ քննադատեց մամուլում տեղ գտած միակողմանի հրապարակումները, որոնք, ըստ իրեն, մոլորեցնում են հանրությանը:

«Եթե դու մի փաստարկ տալիս ես, ապա բարի եղիր այդ փաստարկին վերաբերող բոլոր փաստարկներն էլ տուր, որպեսզի անկողմնակալ դիտորդի մոտ ստեղծվի այն տպավորությունը, որը պետք է ստեղծվի ելնելով քրեական գործի նյութերում առկա ապացույցների ամբողջականությունից:

Անընդհատ ասում են, թե ինչո՞ւ Սուրիկ Խաչատրյանին քրեական պատասխանատվության չեն ենթարկել: Մի հատ հարց տանք էդ ասողներին, այ ողորմելիներ, եթե դուք ասում եք Սուրիկ Խաչատրյանը կատարել է սպանություն, մի հատ ապացույց բերեք էլի կամ գործի միջից կամ ձեր գորշ նյութից»,-ասաց Ռուբեն Սահակյանը եւ պատասխանեց նաեւ մյուս հարցերին` այդ թվում նաեւ՝ թե ինչո՞ւ այս գործով տուժող հանդիսացող Նիկոլայ Աբրահամյանն այսօր նստել էր մեղադրող կողմի կողքին:

Մանրամասները` տեսանյութում:


Մերի ՍՈՂՈՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: