«Սասնա ծռեր» զինյալ խմբի անդամներ Կյուրեղյան եղբայրների հայրը` Արմենակ Կյուրեղյանն այսօր վստահեցրել էր, որ ոստիկանության կողմից երեկ գրոհ չի եղել: Ըստ նրա, պայմանավորվածություն է ձեռք բերվել ոստիկանությանը հանձնել խմբի վիրավոր անդամին, Պավլիկ Մանուկյանը գնացել է, որ հանձնի: «Ոստիկանությունը կրակ է բացել, արդյունքում Պավլիկը վիրավորվել է, Արամը` Պավլիկի տղան, վազել է դեպի հայրը, նրան էլ են վիրավորել»,- Aravot.am-ին ասել է Արմենակ Կյուրեղյանը:
Ոստիկանության հասարակայնության եւ լրատվության կապի բաժնի պետ Աշոտ Ահարոնյանից փորձեցինք ճշտել կատարվածի իսկությունը, որին ի պատասխան պարոն Ահարոնյանն ասաց. «Ես ամբողջ գիշեր պարզաբանում տվել եմ, խնդրել եմ, հորդորել եմ հասարակությանը՝ չճշտված տեղեկություններ չհրապարակել եւ դրանով չսրել իրավիճակը»:
Հիշեցնենք, որ ոստիկանությունը հրապարակել է կատարվածի տեսագրությունը, որում չեն երեւում Պավլիկ Մանուկյանի եւ նրա որդու վիրավորվելու հանգամանքները, սակայն երեւում է Գագիկ Եղիազարյանը՝ ձեռքերը վեր բարձրացրած:
Կարդացեք նաև
Անուշ ՄԱԹԵՎՈՍՅԱՆ
