Վարչապետ Կարեն Կարապետյանը Ազգային ժողովում ներկայացնելով առաջիկա հինգ տարիների կառավարության ծրագիրը՝ նշեց, որ նախատեսվում է աղքատության կրճատման ապահովում՝ այն իջեցնելով 12 տոկոսով:
«Առավոտ»-ը ուսումնասիրել է նախորդ տարիներին Հայաստանում աղքատության մակարդակը: Եվ այսպես, ըստ տնային տնտեսությունների կենսամակարդակի ամբողջացված հետազոտության, 2004 թվականին ոչ աղքատ բնակչության մակարդակը 46.5 տոկոս է եղել, աղքատ բնակչությանը՝ 53.5 տոկոս, որից շատ աղքատ՝ 32.6 տոկոս և ծայրահեղ աղքատ՝ 4.4 տոկոս:
2010 թվականին ոչ աղքատ բնակչության մակարդակը 64.2 տոկոս է եղել, աղքատ բնակչությանը՝ 35.8 տոկոս, որից շատ աղքատ՝ 21.3 տոկոս և ծայրահեղ աղքատ՝ 3.0 տոկոս:
Իսկ 2015 թվականին՝ ոչ աղքատ բնակչության մակարդակը կազմել է 70.2 տոկոս, աղքատ բնակչությանը՝ 29.8 տոկոս, որից շատ աղքատ՝ 10.4 տոկոսը և ծայրահեղ աղքատ՝ 2.0 տոկոսը:
Ամի ՉԻՉԱԿՅԱՆ
«Առավոտ օրաթերթ»
23.06.2017
