Հրկիզել են ճանաչված երգչի որդուն պատկանող գիշերային ակումբը

Հրկիզել են ճանաչված երգչի որդուն պատկանող գիշերային ակումբը

Այսօր ԱԻՆ-ը տեղեկատվություն տարածեց, որ «ժամը 04:12-ին ահազանգ է ստացվել, որ Շիրակի մարզի Գյումրի քաղաքում՝ նախկին Լենինի հրապարակի մոտակայքում, հրդեհ է բռնկվել 2 հարկանի շինության 2-րդ հարկում:

Պարզվել է, որ հրդեհը բռնկվել է Խրիմյան Հայրիկ փողոցի թիվ 45 հասցեում գտնվող «Ռելաքս» գիշերային ակումբի երկհարկանի շենքի 2-րդ հարկում:

Այրվել է մոտ 100 քմ երեսապատումը՝ ամբողջությամբ, իսկ գույքը՝ մասամբ»: Բարեբախտաբար, տուժածներ չկան։

Նշենք, որ գիշերային ակումբի բաժնետերերից մեկը գյումրեցի երգիչ Գագիկ Մկոյանի որդին է՝ Ժորա Մկոյանը։ Այնտեղ, ըստ գյումրեցիների, հաճախում են ինչպես մարզի բնակիչները, այնպես էլ 102-րդ ռազմաբազայի ռուս զինծառայողները։ Երկհարկանի շենքի առաջին հարկում զուգարաններն են, գիշերային ակումբը գտնվում է շենքի երկրորդ հարկում։

Շիրակի մարզի դատախազ Կարեն Գաբրիելյանը Aravot.am-ին փոխանցեց, որ իր հանձնարարությամբ՝ քննիչը քրեական գործ է հարուցել ՀՀ քրեական օրենսգրքի 185 հոդվածի 3-րդ մասի 1-ին կետով, այն ՝ Գույքը դիտավորությամբ ոչնչացնելը կամ վնասելը՝ առանձնապես խոշոր չափերի վնաս պատճառելով։

Այս պահին, ըստ դատախազի, որպես կասկածյալ ներգրավված անձինք չկան, դեպքի կապակցությամբ բերման ենթարկված անձինք նույնպես չկան։

Նունե ԱՐԵՎՇԱՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (2)

Պատասխանել

  1. M. says:

    Իսկ մյուս բաժնետերերը ովքեր են?

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք