Լրահոս
Օրվա լրահոսը

Քաղաքագետը՝ Սերժ Սարգսյանի ու Նիկոլ Փաշինյանի հանդիպման մասին. «Ոչ ոք չի ասում, որ առաջին հանդիպմանը պետք է փաթաթվեին»

Ապրիլ 22,2018 22:32

Քաղաքագետ Ստեփան Գրիգորյանը Aravot.am-ի հետ զրույցում ասաց, որ սթափության կոչ է ուղղում իշխանություններին: Նրա խոսքով` շարունակվող ձերբակալություններն ու մարդկանց մասսայական բերման ենթարկելը վտանգավոր են. «Արժի մեկ-երկու օր կանգ առնել, նման զգացմունքային քայլեր չանել»:

Նա նաեւ հավելեց. «Կոչ եմ անում, որ Սերժ Սարգսյանը նորից երկխոսության փորձ անի Նիկոլ Փաշինյանի հետ: Ոչ  ոք չի ասում, թե առաջին հանդիպման ժամանակ պետք է փաթաթվեին, համաձայնեին միմյանց հետ…Եվ եթե այդքան մարդ կա հրապարակում, դա նշանակում է, որ Նիկոլ Փաշինյանն ունի լուրջ մանդատ ժողովրդի շրջանում: Ժողովուրդը խաղաղ ցույցեր է անում, հետ չի կանգնում, ինչը վկայում  է, որ վիճակը շատ լուրջ է»:

Ստեփան Գրիգորյանի խոսքերով՝ վաղը տարբեր միջազգային տարբեր հարթակներից կլսվեն գնահատականներ, իր ձեւակերպմամբ՝ այն էլ շատ լուրջ մարդկանց կողմից:

«Ես չեմ ուզում, որ վարկաբեկվի մեր պետությունը, կրկնում եմ՝ իշխանությունները մեծ սխալ են անում մարդկանց մասսայական բերման ենթարկելով: Ի դեպ, անգամ ոստիկաններն էին հիացած, թե ինչ պատրաստված երիտասարդներ ունենք, որոնց չէին կարողանում հիմնավորել, թե ինչու են բերման ենթարկել»,-հայտնեց մեր զրուցակիցը:

Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2018
Երկ Երե Չոր Հնգ Ուրբ Շաբ Կիր
« Մար   Մայիս »
 1
2345678
9101112131415
16171819202122
23242526272829
30