Aravot.am-ի տեղեկություններով՝ Ընտրական օրենսգրքի բարեփոխումների աշխատանքային խումբ սկսելու շուրջ բանակցություններում իշխանությունը եւ ընդդիմությունն արդեն համաձայնության են եկել: Աշխատանքային խումբը, ըստ նախնական պայմանավորվածության, կլինի «3+3+3» ձեւաչափով: Խմբում կընդգրկվեն երեք հոգի իշխանական խմբակցության ներկայացուցիչներ, երեք հոգի`ընդդիմադիր, երեք հոգի էլ կներկայացնեն քաղհասարակությունը:
Aravot.am-ի տեղեկություններով, ընդդիմադիր ՀՀԿ-ից ԸՕ-ի բարեփոխումների աշխատանքային խմբում կընդգրկվեն ՀՀ արդարադատության նախկին նախարար Դավիթ Հարությունյանը, ԱԺ փոխնախագահ Արփինե Հովհաննիսյանը եւ պաշտպանության նախկին նախարար Վիգեն Սարգսյանը: Հենց այս հարցն է համաձայնեցվել մի քանի օր առաջ, երբ Դավիթ Հարությունյանն ու Վիգեն Սարգսյանը խորհրդարանում էին:
Նելլի ԳՐԻԳՈՐՅԱՆ
