Դրական
Պաշտոնապես թույլատրվեց Հայ հեղափոխական դաշնակցության գործունեությունը ու չարգելվեց որեւէ այլ կուսակցություն:
Պաշտոններ ստացան Պարույր Հայրիկյանը, Վահան Հովհաննիսյանը, Արամ Սարգսյանը եւ Դավիթ Վարդանյանը: Այդ կերպ վերացվեց կեղծ եւ անսկզբունքային ընդդիմությունը, իսկ կառավարությունը ժամանակավորապես դուրս եկավ հարվածի տակից: Արդյունավետ անցավ ամերիկացի միլիարդատեր Քըրք Քըրքորյանի առաջին այցը Հայաստան:
Թարմացել եւ երիտասարդացել է կառավարությունը: Նախարարի պաշտոն ստացան Լեւոն Մկրտչյանն ու Դավիթ Հարությունյանը. մտավորականներ՝ բառի լավագույն իմաստով: Իշխանությունն ու մասնավորապես նախագահը ավելի բաց եւ մատչելի դարձան հասարակության եւ լրատվամիջոցների համար: Մամուլի /համենայնդեպս, մեր թերթի/ նկատմամբ բացակայում է որեւէ ճնշում:
Բացասական
Կարդացեք նաև
Չեն գտնվել ղարաբաղյան հիմնահարցի նոր, նախընտրական հայտարարություններին համապատասխան լուծումներ, իսկ պաշտոնյաների հակասական հայտարարություններն իրավիճակն ավելի փակուղային են դարձնում:Ազգային թեմաներով զգայական-գավառական ելեւէջները ներթափանցում են պաշտոնական ճառերի մեջ: Չի լուծարվել խորհրդարանը, ուր բարձր է առնետների տոկոսը:
Նախկին ընդդիմադիրները նույնքան անհանդուրժող գտնվեցին նախկին իշխանավորների նկատմամբ, որքան ժամանակին վերջիններս էին առաջինների նկատմամբ: Կոմունիստական եւ ՀՀՇ-ական շրջանների անխորտակելի ավիակիրներ Գագիկ Մարտիրոսյանը, Արարատ Գոմցյանը, եւ Պավլիկ Ասատրյանը եւ ուրիշներ մնացին իրենց պաշտոններում:
