Երեկ խմբագրություն էին եկել «Արաբո» ջոկատի անհայտ կորածների ծնողներից՝ Շամիրամ Մովսիսյանը (Հրաչյա Մովսիսյանի մայրը), Ժենյա Էվանյանը (Ռոմա Միքայելյանի մայրը), Սոֆիկ Հարությունյանը (Արտյոմ Հակոբյանի), Ալվարդ Ղարիբյանը (Արթուր Ղարիբյանի), Սուրեն Ավետիսյանը (Գոռ Ավետիսյանի հայրը), կապված ջոկատի տղաների ծնողներից՝ Մաքսիմ Գալստյանի «Ոմանք հաշտվեցին՝ կարիքից դրդված» (28 հունվարի, 99 թ.) հրապարակման հետ։ Ահա թե ինչ ասացին նրանք.
– Հրապարակման որոշ մտքերի հետ մենք համաձայն չենք։ «Արաբո» ջոկատի անհայտ կորածների ծնողների անունից հանդես գալու իրավունք խնդրում ենք ձեր թերթի էջերում տալ նրանց, ովքեր հաշվի կառնեն բոլոր ծնողներիս կարծիքը։ Ցավում ենք, որ ծնողներից մեկի «փաստարկները» ընդհանրացումների առիթ են տվել։ Պաշտպանության նախարարության կողմից օրինականորեն մեր որդիներին հատկացված գումարի (220 հազար դրամ), նրանց մահվան վկայականների եւ կարգավիճակի հարցում փաստերը ներկայացվել են իբրեւ «կարիքից դրդվածներիս» հետ «ամոթալի գործարք»։ Մենք չենք դիմել ԱԺ, դատախազին։
Հայտնում ենք ձեզ, որ մինչեւ օրս նախարարությունը զբաղված է մեր որդիների վերադարձի հարցերով։ Մեր տղաներն իբրեւ կամավորներ են գնացել հայրենիքի համար կռվելու եւ մենք հպարտացել ենք հենց դրանով։
Հավատացնում ենք, որ թե՛ Վազգեն Սարգսյանը, թե՛ Ալիկ Պետրոսյանը, թե՛ Ալբերտ Բազեյանը շատ մարդկայնորեն են վերաբերվել ծնողներիս հետ։
Կարդացեք նաև
Նրանք խոստացել են, որ ամեն տարվա հունիսի 29-ին Եռաբլուրում կնշվի Հիշատակի օրը։
