Ըստ «Ազատություն» ռադիոկայանի հաղորդման, հոկտեմբերի 12-ին կառավարության շենքում է եղել եւ Վահան Շիրխանյանի մոտ հյուընկալվել Աշոտ Մանուչարյանը։ Պրն Շիրխանյանին այցելել են նաեւ պատգամավորներ «Միասնություն» դաշինքից։ Ըստ «Առավոտին» հասած լուրերի, պրն Մանուչարյանը «խաղաղարար առաքելություն» է իրականացնում նախագահի եւ կառավարության միջեւ։
ՎԱՏ ԼՈՒՐ
Երեւանի պետական համալսարանի որոշ ղեկավար-աշխատակիցները երեկ կոտրել են ԵՊՀ-ի տարածքում գործող «ԱՐՏ» ֆիրմայի դռները, որոնց վտարում են նկուղ։ Ֆիրմայի տնօրեն Եվգենյա Օհանյանը զայրացած էր դեպքի համար։ Մինչ այդ նա (ինչպես գրվել էր մեր թերթի երեկվա համարում) մտադիր էր խաղաղ բանակցությունների ճանապարհով հարց լուծել, սակայն ԵՊՀ-ն ընտրեց բռնության մեթոդը։ Ե. Օհանյանը մեզ տեղեկացրեց, որ դուռը կոտրելու մասին ֆիրմային տեղյակ էին պահել, ասելով՝ «համալսարանի տարածքն է եւ ռեկտորն ինչ կուզի՝ կանի»։
