Հեռուստահարցազրույցում անուղղակի անդրադառնալով կառավարության ձեւավորման վերաբերյալ իր եւ Արամ Սարգսյանի հակասությունների մասին լուրերին, Ռոբերտ Քոչարյանն ասաց. «Ինքն էր բավական ծանր վիճակում գտնվում մի քանի օրվա ընթացքում՝ ոչ թե ես։ Ինքն էր ծանր վիճակում գտնվում, քանի որ կրքերը բորբոքված էին, մարդիկ կասկածամտության մեջ էին։ Եվ այդ շրջանակներում գործող այլ տրամաբանություն կար, որն ինձ համար հասկանալի էր։ Ես կարող եմ դա բացատրել, կարող եմ հասկանալ։ Բայց, իբրեւ հանրապետության նախագահ, չեմ կարող ընդունել»։
Կարդացեք էջ 3։
ՀԱՆԳԻՍՏ ԵՂԵՔ, ԱԺ ՊԱՏԳԱՄԱՎՈՐՆԵՐ
Կարդացեք նաև
Զինվորական դատախազության քննչական վարչության պետ Արտակ Հարությունյանն «Ազատություն» ռ/կ-ի հարցին ի պատասխան «իրականությանը չհամապատասխանող» է անվանել մամուլի այն հրապարակումները, թե Հայաստանից քննչական խմբեր են մեկնել ԼՂՀ հոկտեմբերի 27-ի իրադարձություններին առնչվող հանգամանքների առնչությամբ։ Արտակ Հարությունյանը նաեւ հերքել է, թե Մուշեղ Մովսիսյանին հետեւելու են ԱԺ այլ պատգամավորների ձերբակալություններ։ «Այս պահին պատգամավորների շրջանում կասկածելի չունենք»,- ասել է զինվորական դատախազության քննչական վարչության պետը։
ՀԱՅԱՍՏԱՆԸ ԽԱՂԻՑ ԴՈ՞ՒՐՍ
«Լեռնային Ղարաբաղի հարցի շահարկմամբ իշխանությանը տիրացած ուժերը վերջին երկու տարում չեն արձանագրել եւ ոչ մի դրական տեղաշարժ հիմնահարցի կարգավորման ուղղությամբ»,- պնդում են յոթ կուսակցություններ եւ «Արմատ» հասարակական կազմակերպությունը։ Վերջինիս ղեկավար Բաբկեն Արարքցյանի կարծիքով, ստամբուլյան գագաթաժողովից հետո Հայաստանը հայտնվեց խաղից դուրս վիճակում։
Բաբկեն Արարքցյանի հետ հարցազրույցը կարդացեք 4-րդ էջում։
ՆԵՐԿՐՈՒՄՆԵՐԸ ՉԵՆ ՆՎԱԶԵԼ
ՀՀ պետական եկամուտների նախարարության մաքսային ծառայության պետ Գրիգոր Մելքումյանն «Առավոտին» հայտնեց, որ հակառակ որոշ լրատվամիջոցների կանխատեսումների, ներկրումների քանակը հոկտեմբերի 27-ի իրադարձություններից հետո չի նվազել եւ չկա սոցիալական լարվածության որեւէ վտանգ։ Պարենային մթերքների՝ հացահատիկի, կարագի, շաքարավազի, մսի եւ այլն, ներկրումները եղել են կանոնակարգված։
