«Վերջին ժամանակներս հանրապետության ամենատարբեր լրատվամիջոցներով, Ղարաբաղյան հիմնահարցի լուծման գործում շահարկվում է Մեղրիի տարածաշրջանի փոխանակման խնդիրը։ Արցախի հիմնահարցի առնչությամբ եղած բանակցությունների գաղտնիությունը, տարածվող լուրերը պաշտոնապես չհերքելու փաստը, Մեղրիի մտահոգող խնդիրների նկատմամբ անտարբերությունը, ֆինանսատնտեսական կոնկրետ ներդրումների բացակայությունը, հուսալքության, խուճապի եւ անպաշտպանվածության զգացում են առաջացրել մեղրեցիների շրջանում։ Արդյունքը՝ աճող աղքատությունն է, սեփական հողի վրա գոյատեւելու անհնարինությունը, արտագաղթը։
Նման իրավիճակը փոխելու, իշխանությունների նկատմամբ հավատը վերականգնելու, երջանկահիշատակ Կարեն Դեմիրճյանի եւ Վազգեն Սարգսյանի սիրելի բնակավայրի գոյությունը հարատեւելու համար, ձեզանից պահանջվում է հարցը բարձրացնել պետության ղեկավարների առջեւ, պաշտոնապես հերքելու Հայաստանի հարավային դարպասի փոխանակման մասին ասեկոսեները։
Հարկ ենք համարում շեշտել, որ մեր հողը միշտ էլ պաշտպանվել է արյամբ, եւ երբեք ոչ մեկին չի զիջվի։
Մեղրիի ենթամասի ընտրողներ, 8 փետրվարի»
Կարդացեք նաև
Հ. Գ. Մեղրու բնակիչների նամակը ներկայացնելուց հետո պատգամավոր Գրիգոր Հարությունյանն ասաց, որ Մեղրիում արդեն կոնկրետ են խոսում, որ յուրաքանչյուր բնակչին տրվելու է 5 հազար դոլար, յուրաքանչյուր տան համար՝ 10 հազար դոլար։ Վերջում պատգամավորը պահանջեց, որ իշխանություններն այս ամենին պատասխանեն եւ մեղրեցիներին այսպիսի նյարդային վիճակում չթողնեն։
