Պաշտպանության նախարարի խորհրդական Արկադի Տեր-Թադեւոսյանը հայտարարել է, թե պնդելու է իր հրաժարականը եւ սպասում է միայն Վաղարշակ Հարությունյանի վերադարձին Մոսկվայից։
ԼՌՈՒԹՅԱՆ ՈՒԽՏ
Թե՛ «Գրանդ Տոբակո», թե՛ Էջմիածին երեկ այցելությունների ընթացքում վարչապետ Արամ Սարգսյանը վճռականորեն մերժել է լրագրողների բոլոր փորձերը՝ մեկնաբանություններ ստանալ ներքաղաքական հարցերի վերաբերյալ:
Կարդացեք նաև
ՀԱՅՈՑ ԼԵԶՈՒՆ ՃԿՈՒՆ Է ՈՒ ԲԱՐԲԱՐՈՍ
Քաղաքապետարանում կայացած խորհրդակցության ժամանակ քաղաքապետ Ալբերտ Բազեյանը ակամա «առկախել» է աղբահանության գործը, բառացիորեն հրահանգելով հետեւյալը. «Վիճակը ծանր է, բայց աղբահանությունը դեռ պետք է առկախել»։
ԲԱՐԻ, ԳԵՂԵՑԻԿ, ԱՌԱՔԻՆԻ ԸՆԿԵՐԸ ՄԱՐԴՈՒ
Առաջինը ի՞նքն է ձեռք մեկնել Վանո Սիրադեղյանին. այս հարցին գլխավոր դատախազի տեղակալ Աղվան Հովսեփյանը պատասխանեց. «Առաքինի մարդիկ միշտ առաջինն են ձեռք մեկնում…»։
ՖՈԼԿԼՈՐԻ ՍԵՂԱՆԻՑ ԴԵՊԻ ԿԼՈՐ ՍԵՂԱՆ
Վահան Հովհաննիսյանը «Ազատություն» ռ/կ-ի Մոսկվայի թղթակցին ասել է. «Ռուսաստանը փոխում է իր տեսքը, դառնում ավելի կենտրոնացված երկիր, ավելի կառավարելի եւ ավելի հզոր պետություն»։ Եվ սա, ըստ նրա, մեզ պետք է հուշի, որ միջպետական հարաբերություններում ամենակարեւորը պետք է դառնան փոխադարձ շահերը, ոչ թե բարի հիշողությունները։ «Մեր հարաբերությունները մինչ այս եղել են բարեկամական, բայց ֆոլկլորասեղանային բնույթի»,- վերհիշել է պրն Հովհաննիսյանը։
