![\"\"](\"https://www.aravot.am/2009/aravot_arm/July/7/p1.jpg\")
Հայաստանում Արժույթի միջազգային հիմնադրամի մշտական ներկայացուցիչ Նինկե Օմեսի ամուսինը՝ Անդրեյ Շինկեւիչը, «Ամերիաբանկի» տնօրինության անդամ է եւ ներդրումային բանկային գործառնությունների գծով տնօրենը: Ըստ https://www.econ.wisc.edu/newsletter/Newsletter/newsletter2003.pdf կայքէջի՝ Նինկե Օմեսը եւ Անդրեյ Շինկեւիչն իրար հանդիպել են Վիսկոնսին-Մեդիսանի համալսարանում ուսանելու տարիներին եւ ամուսնացել 2002-ի հունվարին:
Հիշեցնենք, որ Արժույթի միջազգային հիմնադրամի՝ Հայաստանին տրամադրած վարկային միջոցներն ուղղվում են նաեւ մեր բանկային համակարգին: Իսկ «Ամերիաբանկի» զարգացման գծով տնօրեն Տիգրան Ջրբաշյանը հունիսի 24-ին հայտնել էր «Արմինֆո»-ին, որ բանկն արդեն ավարտել է միջազգային կազմակերպությունների հետ բանակցությունները՝ փոքր եւ միջին բիզնեսի ֆինանսավորման համար միջոցներ ներգրավելու ուղղությամբ, «չհայտնելով, թե որ կազմակերպությունների մասին է խոսքը»:
