Ամերիկացի գիտնականները հետազոտությունների արդյունքում հանգել են շատ հետաքրքիր մի եզրակացության՝ գեղեցկության եւ երիտասարդության ասպարեզում: Ըստ այդ հայտնագործության՝ թուրինջի (գրեյփֆրութ) բույրը կնոջը տղամարդու աչքերում կարող է «երիտասարդացնել»… 5 տարով:
Հետազոտություններն անցկացվել են կամավոր հիմունքներով, որին մասնակցել են մի խումբ կանայք եւ տղամարդիկ: Առաջարկվել է, որ կանայք օծանելիքի փոխարեն օգտագործեն խնձորի, դաղձի, բանանի, լավանդայի եւ թուրինջի բուրմունք, իսկ տղամարդիկ՝ բույրի միջոցով պետք է կռահեին յուրաքանչյուր կնոջ մոտավոր տարիքը:
Նշված բույրերից եւ ոչ մեկը (իհարկե՝ բացի թուրինջի բուրմունքից) ոչ մի կերպ չէր ազդել տղամարդկանց՝ կանանց տարիքի վերաբերյալ կարծիքի վրա: Այդ ցիտրուսի բուրմունքը տղամարդկանց վրա շատ հետաքրքիր ձեւով էր անդրադարձել. այն կանայք, որոնք օգտագործել էին թուրինջի բույր՝ տղամարդկանց աչքերում իրենց իրական տարիքից 5-6 տարով երիտասարդացել էին…