![\"\"](\"https://www.aravot.am/2009/aravot_arm/July/7/p23.jpg\")
Մարդկանց հիմնականում հմայիչ եւ գեղեցիկ արտաքին ունենալու ցանկությունն է դրդում հետեւել սեփական քաշին, չնայած կան ավելի լուրջ պատճառներ, որոնք եւս չանտեսելով՝ անհրաժեշտ է հետեւել մարմնի քաշին՝ սննդի եւ ֆիզիկական վարժությունների միջոցով: Եթե ցանկանում եք առողջ լինել, պարտավոր եք հետեւել եւ հոգ տանել այդ մասին:
Մի շարք հիվանդություններից ազատվելու առաջնային պայմանը հենց նորմալ քաշի վերականգնումն է եւ ավելորդ ճարպից ազատվելը: Ճարպակալումը նշանակում է՝ ավելի քան 25% ճարպի պարունակում տղամարդու, եւ 32%՝ կնոջ մարմնում: Գաղտնիք չէ, որ ճարպի ավելորդ քանակութունը այնպիսի հիվանդությունների պատճառ կարող է դառնալ, ինչպիսիք են սրտանոթային հիվանդությունները, քաղցկեղն ու շաքարախտը:
Ապացուցված է, որ ամեն երրորդ ամերիկացի տառապում է ճարպակալմամբ, իսկ մեկ տարվա ընթացքում քաղցկեղից կամ սրտանոթային հիվանդություններից մահանում է յուրաքանչյուր չորրորդը… Կատարված հետազոտությունների համաձայն, մահացածների 80%-ի պատճառը ավելորդ ճարպն է եւ ոչ ճիշտ, նստակյաց ապրելակերպը: Այնպես որ՝ որքան հնարավոր է շատ շարժվեք, մի խուսափեք ոտքով քայլելուց…