Իրանի մշակույթի նախարարությունը հաստատել է տղամարդկանց սանրվածքների ցանկը, որոնք համապատասխանում են իսլամի չափանիշներին: Այս մասին, ըստ panorama.am-ի, հայտնում են իրանական ԶԼՄ-ները: Ըստ չափանիշների, տղամարդիկ պետք է ունենան կարճ եւ հավասար սափրած մազեր: Որոշ դեպքերում թույլատրվելու է մազի գելի օգտագործումը: Պաշտոնյաների խոսքով, կտրվածքների ընտրությունը պետք է համապատասխանի Իրանի մշակութային եւ կրոնական սովորություններին: Շուտով մշակույթի նախարարությունը պաշտոնապես կհրապարակի տղամարդկանց մազերի կտրվածքների ցանկը:
Իրանի ոստիկանությունը կանոնավոր կերպով հսկում ու բռնում է այն մարդկանց, որոնց արտաքինը չի համապատասխանում հաստատված չափանիշներին: Նման հսկողության զոհ են դառնում ինչպես կանայք՝ վառ գույնի կամ մեծ բացվածք ունեցող զգեստի պատճառով, այնպես էլ տղամարդիկ՝ նեղ ջինսե տաբատների եւ «չթույլատրվող» սանրվածքների պատճառով: Երկրի ղեկավարությունը մի քանի վարսավիրանոցներ է փակել կամ տուգանել, որոնք հաճախորդներին առաջարկում են «արեւմտյան ոճի» սանրվածքներ:
