Երեկ շախմատի համաշխարհային օլիմպիադան լուսաբանող լրատվամիջոցները տեղեկացրին, որ Խանտի-Մանսիյսկում քվեարկությամբ հաստատվել են ՖԻԴԵ-ի երեք փոխնախագահները, որոնք ներկայացնում են Հնդկաստանը, Իրանը եւ Լիբիան: Նույն աղբյուրները նշում են նաեւ, որ առայժմ թափուր են մնում նախագահի այն տեղակալների աթոռները, որոնց անձամբ նշանակելու է շախմատի միջազգային ֆեդերացիայի վերընտրված նախագահ Կիրսան Իլյումժինովը: Այդ պաշտոններին հավակնում են Չինաստանի շախմատի ֆեդերացիայի նախագահը եւ աշխարհի 12-րդ չեմպիոն Անատոլի Կարպովը, որի հետ Իլյումժինովի բանակցությունները դեռ շարունակվում են:
