Ռուսաստանի իշխանությունները «սադրանք» եւ «քարոզչական քայլ» են որակել Վրաստանի կողմից Հյուսիսային Կովկասի հանրապետությունների բնակիչների համար առանց վիզայի ռեժիմ սահմանելու մասին կայացված որոշումը: Հոկտեմբերի 13-ից ուժի մեջ մտնող այս նոր կանոնների համաձայն, Վրաստանին հարակից Հյուսիսային Կովկասի բնակավայրերի բնակիչները կարող են Վրաստան մտնել առանց վիզայի եւ այդ երկրի տարածքում գտնվել 90 օրվա ընթացքում:
