Երկրագնդի ամենագեղեցիկ մարդիկ Բրազիլիայի կանայք ու տղամարդիկ են։ Այս մասին են վկայում զբոսաշրջային կայքերից մեկի օգտատերերի շրջանում անցկացված հարցման արդյունքները։ Վարկանիշային աղյուսակի 2-րդ տեղում են շվեդները, 3-րդ տեղում՝ հնդիկները, 4-րդ տեղում՝ Լեհաստանի, իսկ 5-րդ տեղում՝ Մեծ Բրիտանիայի բնակիչները։ Ցուցակը, որով հարցման մասնակիցները հնարավորություն են ունեցել ընտրել «ամենագեղեցիկ ազգերին», ներառում էր 34 պետություն, որոնց ներկայացուցիչները գոնե մեկ անգամ հաղթել են «Միսս աշխարհ» մրցույթում։
