Անվավեր է ճանաչվել Ֆ. Հոֆման-Լա Ռոշ Լտդ Շվեյցարիայի արտադրության «Տիբերալ (օրնիդազոլ) 500մգ (10) թաղանթապատ դեղահաբեր» դեղի գրանցումը:
Ինչպես Panorama.am-ին տեղեկացրել են առողջապահության նախարարությունից, բացի դեղամիջոցի անվավեր ճանաչելուց, առողջապահության նախարար Հարություն Քուշկյանի հրամանով հանրապետությունում նաեւ դադարեցվել է նշված դեղի շրջանառությունը:
Նշենք, որ նախարարը որոշումը կայացրել է՝ հիմք ընդունելով ՀՀ կառավարության 2001 թվականի ապրիլի 25-ի N 347 որոշման 30-րդ կետի ա) ենթակետը եւ հաշվի առնելով առողջապահության նախարարության դեղաբանական խորհրդի 2010թ. նոյեմբերի 26-ի 11-2/10 նիստի եզրակացությունն ու Ֆ.Հոֆման-Լա Ռոշ ընկերության գրությունները: