Այսօր «Ակադեմիա» պատկերասրահում կկայանա Ռուդոլֆ Խառատյանի ստեղծագործությունների ցուցադրությունը: Ցուցահանդեսի համադրողն է Սոնա Հարությունյանը: Կներկայացվեն Ռ. Խառատյանի 10 տարիների ընթացքում ստեղծված 40 աշխատանքներ: Ս. Հարությունյանը ընտրել է այնպիսի աշխատանքներ, որոնք կընդգծեն արվեստագետի ոճական եւ թեմատիկ առանձնահատկությունները:
Խորեոգրաֆ Խառատյանը այս ցուցահանդեսի ընթացքում կբացահայտվի նաեւ որպես գեղանկարիչ: Սկսած 1991թ.-ից, Խառատյանը հանդես է եկել անհատական ցուցահանդեսներով՝ Վաշինգտոնում, Նյու Յորքում եւ Մոնրեալում (Կանադա): Խառատյանը ներկայացել է նաեւ խմբակային ցուցահանդեսներով՝ ԱՄՆ-ում, Կանադայում, Ռուսաստանում, Հնդկաստանում, Իտալիայում եւ Եգիպտոսում: Նրա աշխատանքները ներառված են ԱՄՆ-ի, Կանադայի, Ֆրանսիայի, Մեծ Բրիտանիայի, Հարավային Աֆրիկայի եւ Հայաստանի անհատական հավաքածուներում: