Լրահոս
Օրվա լրահոսը

Ընտրությունների ընթացքում խախտումների վերաբերյալ «Ականատես»-ը 17 հաղորդում է ներկայացրել իրավապահ մարմիններին, 15 հայց՝ վարչական դատարան, 24 դիմում՝ ընտրական հանձնաժողովներին

Նոյեմբեր 20,2026 17:19 Share
Աջակցեք aravot.am-ին

Նոյեմբերի 20-ին Երևանում «Ականատես» դիտորդական առաքելությունը ներկայացրեց 2026 թվականի հունիսի 7-ի ՀՀ Ազգային ժողովի ընտրությունների դիտարկման ամփոփիչ զեկույցը՝ անդրադառնալով ընտրական գործընթացների հիմնական արդյունքներին, արձանագրված խախտումներին, համակարգային խնդիրներին և դրանց լուծմանն ուղղված առաջարկություններին։

Դիտարկումն ընդգրկել էր նախընտրական քաղաքական և տեղեկատվական միջավայրը, ընտրական հանձնաժողովների ու պետական այլ մարմինների գործունեությունը, քաղաքական ուժերի քարոզարշավն ու ֆինանսավորումը, վարչական ռեսուրսի օգտագործումը, ինչպես նաև քվեարկության օրվա և հետընտրական գործընթացները։

«Ականատես»-ի գնահատմամբ՝ ընտրություններն անցել են մրցակցային միջավայրում, սակայն ուղեկցվել են մի շարք լուրջ խնդիրներով՝

վարչական ռեսուրսի չարաշահում

առերևույթ ընտրակաշառքի դեպքեր

ընտրողների նկատմամբ ճնշումներ

քվեարկության գաղտնիության խախտումներ

ընտրական գործընթացների նկատմամբ վերահսկողության թերություններ

Արձանագրված խախտումների վերաբերյալ առաքելությունը ներկայացրել է՝

17 հաղորդում՝ իրավապահ մարմիններին

24 դիմում՝ ընտրական հանձնաժողովներին

15 հայց՝ ՀՀ վարչական դատարան

Զեկույցում ներկայացված առաջարկություններն ուղղված են ընտրական գործընթացների թափանցիկության և հաշվետվողականության բարձրացմանը, քաղաքական ֆինանսավորման վերահսկողության ուժեղացմանը, ընտրախախտումների կանխարգելմանը և արդյունավետ իրավական արձագանքի ապահովմանը։

Առաքելությունն իրականացվել է Եվրոպական միության, ԱՄՆ Գերմանական Մարշալի հիմնադրամի Անդրատլանտյան հիմնադրամի (GMF TF), Նորվեգիայի դեսպանատան, Ժողովրդավարության ազգային հիմնադրամի, Ժողովրդավարության եվրոպական հիմնադրամի և Ժողովրդավարության զարգացման հիմնադրամի ֆինանսական աջակցությամբ։

«Ականատես» դիտորդական առաքելություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Նոյեմբեր 2026
Երկ Երե Չոր Հնգ Ուրբ Շաբ Կիր
« Հոկ    
 1
2345678
9101112131415
16171819202122
23242526272829
30