Ապրիլի 12-23-ը կայանալու է շախմատի Ռուսաստանի տղամարդկանց 18-րդ թիմային առաջնությունը, որտեղ հաղթողին որոշելու համար պայքարի մեջ է մտնելու 12 ակումբային թիմ:
Ռուսաստանի շախմատի ֆեդերացիայի պաշտոնական կայքը հրապարակել է բոլոր թիմերի վերջնական կազմերը: Դրանցից մի քանիսը համալրված են հայ շախմատիստներով: Այսպես, Դեսնոգորսկ-Մոնոստիրշչինայի թիմում ընդգրկված է երեք հայ շախմատիստ՝ Գեորգի Պողոսյանը, Սարգիս Մանուկյանը եւ Պողոս Նահապետյանը: Լիպեցկ քաղաքի թիմի կազմում են Գոռ եւ Գեւորգ Հայրապետյանները, իսկ Սանկտ Պետերբուրգի շախմատային պատիվը պաշտպանողների մեջ է նաեւ Գեորգի Մովսիսյանը:
