![\"\"](\"https://www.aravot.am/2011/aravot_arm/April/7/p13.jpg\")
Երկրորդ թեթեւագույն քաշային կարգում աշխարհի ուժեղագույն բռնցքամարտիկին որոշելու համար կազմակերպված մրցաշարում երրորդ տեղի համար պայքարող Վախթանգ Դարչինյանի եւ Իոնի Պերեսի միջեւ մենամարտը կայանալու է ապրիլի 24-ին:
Վանաձորցի բռնցքամարտիկը «Fightnews.ru»-ի թղթակցին հայտարարել է, որ մարզումները լավ են ընթանում, եւ ավելացրել է, որ մտադիր է մրցակցին հաղթել նոկաուտով: Միավորների տարբերության պարագայում կողմնակալ մրցավարության զոհ դառնալու փորձ ունեցող Վիկը տեղեկացրել է նաեւ, որ ինքը միշտ էլ նախապատրաստական փուլում օրական երկու հազար ձգում է կատարել, սակայն երբեք իրեն այսքան լավ չի զգացել:
