Երեկ մայրաքաղաքի «Դինամո» մարզադահլիճում մեկնարկեց հունահռոմեական ոճի ըմբշամարտի Հայաստանի առաջնությունը: Մեկնարկային օրը հայտնի դարձան չորս քաշային կարգերի հաղթողները: 50 կգ քաշային կարգում չեմպիոն դարձավ երեւանցի Ռուդիկ Մկրտչյանը, բանակային Ասլան Պողոսյանը հավասարը չունեցավ 60 կիլոգրամում, 74 կգ քաշային կարգում պատվո պատվանդանի առաջին աստիճան բարձրացավ գյումրեցի Ռաֆիկ Մանուկյանը, իսկ Ֆիզիկական կուլտուրայի հայկական պետական ինստիտուտի ուսանող մարզիկ Վահե Սիմոնյանը առաջինն էր 96 կգ քաշային կարգում: Այսօր կորոշվեն մյուս չորս քաշային կարգերի հանրապետության չեմպիոնները:
