![\"\"](\"https://www.aravot.am/2011/aravot_arm/April/8/p5.jpg\")
Այսօր ԱԺ պատգամավոր, Աֆղանական պատերազմի վետերանների միության նախագահ Արմեն Մխիթարյանը դարձավ 50 տարեկան: Մարտական ընկերները եւ զոհված ընկերների մայրերը ի սրտե շնորհավորում են իրենց մարտական ընկերոջը, մաղթում երջանկություն, սեր եւ հաջողություններ: Այս դժվար ու խռովահույզ ժամանակներում անչափ դժվար է Մարդ մնալը, բայց Դու, մեր մարտական ընկեր, հենց այդպիսին ես՝ Մարդ, ով իր կյանքի մի հատվածն ապրել է պատերազմական կյանքով, իսկ մյուսն էլ՝ ուրիշների հոգսերով: Աֆղանական պատերազմի վետերանների միությունն արդեն 16 տարի ղեկավարում է Արմեն Մխիթարյանը: Եթե մեկն իր դարդը, ցավը պատմում է նրան՝ հավատացած է, որ այդ ցավն, ի վերջո, Տեր ունի, խնդիրը՝ լուծում: Արմեն Մխիթարյանը լռելյայն անում է իր գործը եւ չի սիրում, երբ այդ մասին խոսվում է: Ավելին՝ անընդունելի է համարում պարտքի զգացում թելադրել մարդկանց, ում պարտական ենք բոլորս: Սա մարտական ընկերների անկեղծ խոսքն ու գնահատականն է ոչ միայն Արմեն Մխիթարյանի անցած ուղու, այլեւ մարդկային ու հոգեւոր կերտվածքի եւ բարոյական չափանիշների մասին: Թող Աստված նրան առողջություն ու արեւշատություն տա, ինքն էլ իր բարությունն ու կամեցողությունը շարունակի բաժին հանել դրա կարիքն այսօր անչափ զգացողներին: Ծնունդդ շնորհավոր, մեր դժվար եւ լավ օրերի ընկեր:
«Առավոտը» միանում է շնորհավորանքներին:
