Ոստիկանության Էրեբունու բաժնի ծառայողները Նոր Արեշի 35-րդ փողոցի մի շենքից բերման են ենթարկել 45-ամյա Գուրգեն Ս.-ին. նա Էրեբունի եւ Նուբարաշեն վարչական շրջանների ընդհանուր իրավասության դատարանի որոշմամբ ս/թ ապրիլի 4-ից հետախուզվում էր ՀՀ քրեական օրենսգրքի 179 հոդվածի 2-րդ մասի 3-րդ կետի մեղադրանքով (յուրացնելը կամ վատնելը, որը կատարվել է խոշոր չափերով):
Գուրգեն Ս.-ն տեղափոխվել է ՀՀ ԱՆ «Նուբարաշեն» քրեակատարողական հիմնարկ:
Մեկ այլ հետախուզվող էլ հայտնաբերվեց Բավրայի հսկիչ-անցագրային կետի տարածքում: 37-ամյա Վարդգես Հ.-ին, որը ս/թ հունվարի 17-ից հետախուզվում էր Մոսկվա քաղաքի Մետրոպոլիտենի ՆԳ վարչության կողմից, տարվեց բաժին: Նրա մասին տեղյակ է պահվել հետախուզումը նախաձեռնող ՌԴ իրավապահներին:
