Նախորդ օրը «Առավոտը» ահազանգ է ստացել արդարադատության նախարարության «Դատապարտյալների հիվանդանոց» ՔԿՀ-ում գտնվող Վալերիկ անունով երիտասարդի համար: Նա «Կոշ» ՔԿՀ-ից 7 ամիս առաջ տեղափոխվել է Դատապարտյալների հիվանդանոց. միզուղիների հետ կապված սխալ վիրահատման հետեւանքով նրա առողջական վիճակը ծանր էր: Թերթին ահազանգողը պնդում էր, որ նրա կյանքին վտանգ է սպառնում: Մենք նախորդ օրը դիմել ենք նաեւ ԱՆ ՔԿՀ մամուլի քարտուղարին, որպեսզի Վալերիկի առողջության հետ կապված «Առավոտին» տրվի ինֆորմացիա: Այդպես էլ տեղեկատվություն չենք ստացել: