Ապրիլի 13-ին ոստիկանության ծառայողները մի քրեական գործի շրջանակներում խուզարկություններ են կատարել Գեղարքունիքի մարզի Սեւան, Վարդենիս, Մարտունի, Ճամբարակ, Գավառ քաղաքների եւ մի շարք գյուղերի բնակիչների տներում ու հարակից կառույցներում:
Հայտնաբերվել է «ԱԿ» տեսակի 1 ինքնաձիգ, ինքնաձիգի 4 պահունակ, որսորդական 10 հրացան, 2 նռնակ, 1 լուսարձակիչ փամփուշտ, տարբեր տրամաչափի 504 փամփուշտ, ինչպես եւ 2 կգ 357 գրամ կանեփանման զանգված: Միջոցառման շրջանակներում անցկացված բացատրական աշխատանքների արդյունքում՝ մի շարք քաղաքացիներ կամավոր հանձնել են որսորդական 5 հրացան, 2 նռնակ, նռնակի 2 պայթուցիչ, ինքնաձիգի պահունակ եւ տարբեր տրամաչափի 309 փամփուշտ:
