Հիվանդանոցից ոստիկանության Չարենցավանի բաժնում հաղորդում է ստացվել, որ որովայնի եւ թիկունքի վնասվածքներով իրենց մոտ բուժօգնության է տեղափոխվել 33-ամյա Հասմիկ Փ.-ն:
Պարզվել է, որ նույն օրը, ժամը 08.20-ի սահմաններում, կենցաղային հարցերի շուրջ ծագած վիճաբանության ժամանակ 31-ամյա Արմեն Փ.-ն, կյանքից զրկելու դիտավորությամբ, խոհանոցային դանակով 2 անգամ հարվածել է կնոջը` Հասմիկ Փ.-ին, սակայն իր կամքից անկախ` հանցագործությունն ավարտին չի հասցրել:
Արմեն Փ.-ն ներկայացել է բաժին:
Փաստի առթիվ քննչական բաժանմունքում սպանության փորձի փաստով հարուցվել է քրեական գործ: Արմեն Փ.-ն ձերբակալված է:
