Ամերիկացի գիտնականները նշում են, որ դրախտը մարդու վիճակն է մահվան պահին: Այսպիսով, մարդկանց այն պատկերացումը, թե դրախտը ինչ-որ վայր է, որտեղ թագավորում է բարեկեցությունը, ըստ մասնագետների՝ սխալ պատկերացում է: Հայտնի է, որ կոմայի մեջ գտնվող կամ կլինիկական մահ տանող մարդկանց 18 տոկոսը նույն տեսիլքներն են ունենում: Նրանք բոլորը տեսնում են թունել, լույս, դարպասներ, այնպիսի զգացողություն է՝ ասես Աստված ներկա է: Այն կարծես ճամփորդություն լինի դեպի դրախտ:
Փենսիլվանիայի համալսարանի գիտնական Էնդրյու Նյուբերգը կարծում է, որ այդ երեւույթը կարող է պարզ բացատրություն ունենալ: Նրա խոսքով՝ երբ ուղեղը մահանում է, եւ տեսողությունը մարում է, մարդ դադարում է տեսնել ծայրամասային գոտիներ: Եվ պայծառ լույսը կարող է լինել այն կենտրոնական մասը, որը հասանելի է տեսողությանը:
Եվ ուղեղը պաշտպանական նպատակներով արտադրում է հատուկ քիմիական նյութեր, որոնք տեսիլքների պատճառ են հանդիսանում: Այս տեսությունը հաջողություն ունեցավ այն բանից հետո, երբ գիտնականները պարզեցին, որ մահվան շեմին այդ բոլոր զգացողությունները կարելի է ստանալ կետամինի մեծ չափաբաժնի օգնությամբ:
