Ըստ pravda-ru-ի, նովոսիբիրսկցի քիմիայի 40-ամյա մի ուսուցիչ լաբորատորիա էր հիմնել իր սեփական տանը եւ այնտեղ պատրաստված ռումբերը բավական էին, որպեսզի մի քանի բետոնե շինություններ օդ թռչեին: Ըստ նույն աղբյուրի, ռուսաստանյան իրավապահները տառացիորեն վերջերս են գտել զինագործ-ուսուցչին ու կարծում են, որ հուլիսի 7-ի երկաթգծի պայթյունի եւ քիմիայի ուսուցչի ղեկավարած 4 հոգանոց հանցախմբի միջեւ կապ կա: Բոլորի տներում էլ հայտնաբերվել են նույնպիսի պայթուցիկ նյութեր, որոնցից առկա են եղել ուսուցչի տանը: Վերջինիս տան լաբորատորիան համարժեք է եղել մի ամբողջ քիմիական գործարանի գիտահետազոտական կազմակերպության: Չնայած գործ է հարուցվել, սակայն ուսուցչին առայժմ 150000 ռուբլի գրավի դիմաց ազատ են արձակել:
